Амьдрал өөрөө шинэлэг бүхэнээр дүүрэн

Хөмсөг нь бүсгүйчүүдийн   царайнд давтагдашгүй төрхийг бий болгодог. Эрт дээр үеэс бүсгүйчүүд өөрсдийн сэтгэл санаа ямар байгаагаа хөмсөгөөрөө илэрхийлж, хэлбэрийг нь янз бүр болгон засаж буддаг байжээ. Орчин үед бүсгүйчүүд гоо сайханд чухал байр суурь эзэлдэг хөмсгөндөө илүү анхаарах болсон нь ойлгомжтой.

Хөмсөг засалтыг дугуй, тэгш, хотойлгосон, өнцөг үүсгэсэн гэж дөрвөн хэлбэрт хуваадаг. Холливудын од, поп дуучид өнцөг гаргасан засалтыг илүүд үздэг бол загвар өмсөгчид нэг хэвийн байдлаас татгалзан тэгш, эсвэл дугуйрсан хэлбэрийг сонгодог байна.

Хөмсөг засах арга
Юуны өмнө эхний удаад гоо сайхны салонд очиж хөмсөгөө засуулж, дараа нь өөрөө хэлбэрийг нь алдахгүй засч сураарай. Хэрэв салонд очих боломж гардаггүй бол гэрийн нөхцөлд хийж болно. Гэхдээ дүрмийн дагуу хийх хэрэгтэйг анхаарна уу.
Эхлээд спирттэй хөвөнгөөр гар болон хөмсөг зулгаагчаа ариутгах хэрэгтэй. Нэг гараараа арьсаа зөөлөн татаж, ургалтын дагуу хөмсөг зулгаагчаараа болгоомжтой зулгаана. Өвдөлт өгөхгүйн тулд хөмсөгөө зулгаахаасаа өмнө 5-7 минутаар 2-3 удаа халуун жин тавина. Төгсгөлд нь хөмсөгний эргэн тойрны арьсыг дахин ариутгах хэрэгтэй. Хөмсөгөө засч дуусаахад зовхи улайдаг тул 1-2 минут хүйтэн жин тавина. Урт ургасан үс эвгүй харагддаг тул хайчлах шаардлагатай. Үүнийг зориулалтын хөмсөгний хайчаар хайчилж авна.


Зуйван царай ба хэлбэр
Хөмсөгийг нүүрний хэлбэр болон насны онцлогт тохируулан засна. Дугуй хэлбэртэй хөмсөг нь хөгшин харагдуулдаг. Харин өргөн нүүртэй хүмүүст саран, дугуй хэлбэр илүү зохимжтой. Тэгш, үзүүр нь доошоо унжсан, урт засалт баргийн хүнд зохидоггүй. Үзүүр нь дээш өргөгдсөн богино засалт өргөн, хавтгай нүүртэй хүнийг гонзгой царайтай болгож харагдуулдаг. Хөмсөгний үзүүр, эсвэл урдаас нь бага зэрэг богиносгосон засалт царайг залуу харагдуулдаг. Гэхдээ анхаарах зүйлс бий.

• Хэрэв нүүрний дээд хэсэг жижиг бол хөмсөгний урд хэсгээс богиносгох хэрэгтэй.
• Харин өргөн шанаатай боловч нүүрний доод хэсэг шөвгөр бол үзүүрээс нь богиносго. Ингэснээр нүүрний дээд, доод хэсэг тэнцвэржих юм.
Жижиг нүдтэй хүн хөмсөгөө өргөн зурж, урд хэсгээс нь бага зэрэг авахад нүд том болж харагддаг. Нүүрний хэлбэр дөрвөлжиндүү бол хөмсгийг тэгш хэлбэр үүсгэж нугларлыг нь багасгах хэрэгтэй. Үүний тулд хөмсөгний урдаас эхлэн зулгаана. Дугуй нүүртэй бол хөмсөгийг өргөж, нугларлыг нь ихэсгэж засах хэрэгтэй.


Будалт
Хэрвээ таны хөмсөгний засалт хүссэн үр дүндээ хүрээгүй бол танд хөмсөгний харандаа, зориулалтын сойз байхад л хангалттай. Энэ хоёрын тусламжтай өөг нь дарж болно. Гэхдээ хэтэрхий тод будах нь царайг бүдүүлэг төрхтэй болгодог гэдгийг анхаар. Харандаагаар зөвхөн үс муутай хэсгийг будаж зориулалтын сойзоор тарааж өгнө.
Цайвар царайтай, шар үстэй бүсгүйчүүдэд хүрэн бор, боровтор өнгийн харандаа илүү зохино. Хар үстэй бүсгүйчүүд хар хүрэн, хар саарал, хар өнгөөр хөмсөгөө будаарай. Будалт хийснээ хэлбэржүүлэхийн тулд үсний гелийг хөмсөгний сойз, эсвэл дууссан сормуусны будгийнхаа багсанд дусааж үсний ургалтын дагуу түрхэнэ.


Арчилгаа
Хөмсөг ч бас арчилгаа шаарддаг. Орой нүүрээ цэвэрлэхдээ хөмсөгөө орхиж болохгүй. Хөмсөгний урт богино, өргөн нарийн байх нь хамаагүй. Хамгийн гол нь өдөр бүр самнаж бай. Эхлээд үсийг сөргүүлж, дараа нь ширхэгийн дагуу самнана. Хөмсөгний ургалтыг сайжруулахад тоор, бүйлс, наранцэцгийн тос хэрэглэдэг.
Хэрэглэх арга: Халуун тосонд хөвөнгөө хийж тосыг шингээж авна. Хөвөнгөө хөмсгөн дээрээ тавиад, дээр нь уугч цаас тавиж 10-15 минут байлгана. Мөн сойзоо тосондоо дүрээд хөмсөгөө үсний ургалтын дагуу, эсвэл сөргүүлж самнаж болно.

Бүсгүй та өөрийнхөө хөхийг хүссэн хэмжээгээрээ томруулах юм уу жижигрүүлж болдог бол гэж боддог уу. Хэдийгээр хөх томруулах тос, түрхлэг аппарат гээд элдэв янзын бүтээгдэхүүнүүд ихээр гарч байгаа боловч тэр бүхнийг хэрэглээд та хүссэн үр дүндээ хүрч нэг их чадахгүй болов уу.


Харин ямар нэгэн баталгаагүй зүйл хэрэглэснээс болоод эрүүл мэндээ хохироосон байж болох юм. Тиймээс ямар ч хор хөнөөлгүйгээр хөхөө бага зэрэг томруулах юм уу зөв сайхан хэлбэртэй, унжийж хорчийсон биш болгохыг хүсэж байгаа биздээ.

Энэ нь ердөө л уйгагүй дасгал хөдөлгөөн хийх юм. Хөхөө томруулахын тулд дасгал хийсний муу нөлөө гэж байхгүй шүү дээ.
Гэхдээ дасгал хийхийн хажуугаар бас та дараах наад захын зүйлүүдийг мэдэж хэрэгжүүлж байх хэрэгтэй.

Юуны өмнө та бөгтийж мөрөө унжуулж явж болохгүй. Ингэж явдаг бүсгүйчүүдийн хөх залуугаасаа унжийж доошилдог. Тиймээс та цэх сууж, мөрөө тэгш авч явах хэрэгтэй. Ингэснээр хөх болон цээжний булчин чангардаг байна.

Хэрвээ та хэт жижиг хөхтэй бол аль болохоор даруулга зүүхгүй байсан нь дээр. Даруулга зүүхгүй явах нь зарим үед моодонд ордог шүү дээ. Гэхдээ та даруулгагүй явахаас ичээд байгаа бол өөрт тохирсон хатуулгатай даруулга зүүгээрэй. Харин хэтэрхий том хөхтэй бол заавал хөхний даруулга зүүх ёстой шүү. Энэ нь гоо зүйн талаасаа ч эрүүл ахуйн талаасаа ч танд хэрэгтэй.

Түүнчлэн жирэмсэн эхчүүд болон хөхүүл эхчүүд хөхнийхөө хэлбэрийг алдагдуулахгүйн тулд унтахдаа даруулга зүүж байх хэрэгтэй. Гол нь таны даруулга хөхөнд чинь яг таарсан, дээш нь өргөхгүй, хооронд нь ойртуулахгүй, бариу биш байвал маш сайн.

Мөн та сайхан хөхтэй байхын тулд өдөр бүр хүйтэн шүршүүрээр цээжээ угааж, чийгтэй алчуураар арчиж заншаарай. Энэ нь танд зохих хэмжээний иллэг болоод зогсохгүй арьсыг чинь уян хатан болгож, хөхний булчинг чангаруулж, унжсан хөхийг чинь сэргээн гоё сайхан сэрыгэр болгоход нөлөөлнө.

Түүнчлэн та усан санд сэлэх завиар явах гэх мэт цээжний булчин хөгжүүлэх хөдөлгөөнийг хийх хэрэгтэй.

Мөн дараах дасгалуудыг хийвэл та гоё сайхан хэлбэртэй хөхтэй болно. Yүнд:
1. Гараа мөрнийхөө зэрэгцээ урдаа өргөж зогсоод аажмаар саадыг давах маягаар гараа хоёр тийш нь салгаж холдуулаад бэлтгэх байдалд орно. Нийт 12-14 удаа хийнэ.

2. Гараа толгой дээрээ өргөж зөрүүлэн зүүн гараараа баруун гараа 5 секундын турш хүчтэй хавчина. Тэгээд нөгөө гараараа ээлжлэн тус бүр 8 удаа хийнэ.

3. Гэдрэгээ харж хэвтээд гараа иөр лүүгээ хавчин тохойгоороо хоёр тйиш нь холдуулаад хуучин байдалдаа орно. 20-30 удаа хийнэ.

4. Гараа дагзан дээрээ авч зогсоод тохойгоороо урагш нь аажуухан хүчтэй болгож, арагш нь суллана. 25 удаа хийнэ.

5. Хоёр гараа алдалж урагш хойш нь бага далайцтайгаар эргүүлэх хөдөлгөөн хийнэ. 20 удаа хийнэ.

6. Хананаас нэг алхмын зайтай зогсон, хананд гараараа тулан сунайх дасгалыг 20-30 удаа хийнэ. Энэ бүх дасгалыг 2-3 сар өдөр бүр хийвэл та үр дүнг нь мэдрэх болно.